احبها وراح اصارحـــــــــها
حبيتـــــــها من شفتـــــــــها
وعلى ايدها انهي عزوبيتي
اني عراقـــــــي يابنيــــــــه
رقيـــــــــــقه بكل معنــــــــى
قصيــــــده بكل مغنـــــــــــى
بيـــــــدي دوم صورتـــــــها
صافن احسب محاسنـــــــها
من ملامحها احسها عراقيه
ومن بغـــــــــــداد اعتقد هيا
عرفتها من خدودها الورديا
واني احبــــــــــــها عراقـــــــــي وعراقيـــــــــــــــه
انوثتها ياعيني ميه بالميــــه
اصالتـــــــها عراقيــــــــــــــه
اسمها عبــــــــالك ابوذيـــــه
من دجله عذوبتها ونفســـها
ومن الفرات كل عطرهـــــــا
نضراتها بابليه عيونها سومريـه
اه ياعزتها اه ياكرامتها عراقيــه
واني احبـــــــــها عراقــــــــــي وعراقيـــــــــــــــــه
ما اريد اعرف مذهبـــــها
ولا على ياموديل صلاتها
ومحد يفرقني عنـــــــــها
لا سنتــــها ولاشيعتـــــها
لان احبــــــــــها عراقــــــــــــــي وعراقيـــــــــــــــه
اذا راحت لاضرحتكم اني بالحسينيه اطبخ قيمتكــم
واذا زارت حنيفتكم ان بكل جمعه اصلي بجوامعكم
حبيبتي عراقــــي وعراقيـــه وابد ماتفرقنه طائفــــــــيه
وعلى سنه محمد راح اخطبها
ومن بغــداد تطلع زفتــــــــــها
وللمـــــــوصل حفلة عرســـها
وبالكــــــوفه شهر عسلــــــها
وبالفــــلوجه حفلة سبعتــــها
كل العــــــــــــراق الها واليا
عراقـــــــــــي وعراقيــــــــــــه وماتفرقنه فدراليــــــه
وعلى شارع ابو نؤاس نتمشى
وعلى الكاظــــــــــــــــم زيارتنا
ولاعظميــــــــــــه نزور محلتنا
عراقـــــــــــــــــي وعراقيـــــــــــه ايد بيـد سويـــا
عن اذنكم يا احزابنه السياسيه
ماراح اسمع حجيكم يوميــــــه
عراقـــي وعراقيــه حبنا اقوى من كل الحراميــه
اني مو مجنـــــــــــــون صدكـــــــــــــوني
اني احبها سئــــــــــــلوا عيــــــــــــــوني
عراقــــــــــــــــــــي وعراقيـــــــــــــــــــــه
لا تفرقنه لا طائفيـــــه ولا فدراليــــــــــه
وعلم العراق يحظنا احنا الاثنين عراقي وعراقيه
الأحد أبريل 22, 2007 4:36 pm
