كلمات عجبتني فأحببت ان انقلها لكم
احبك كثر ماتنبت على خد الثـرى اشعـاري
كثر ماالشمس تمطر نور وكثر الحزن فـي عينـي
احبك لين صـار الحـب ثوبـي وقوتـي وداري
واحبك ليـن مـل الصبـر وعيـا لا يواسينـي
وهبتك للاسف روحي وعمري واجمل ازهـاري
وزرعتك والسبب ضعف جروحن في بساتينـي
ورغم حبي واخلاصي وعشقي الصادق العـاري
رحلتي وصارت الغربه خناجـر فـي شرايينـي
كرهت الامس والصدفه واقدامـي واقـداري
وكل اللي يجمع فـي يـوم مابينـك ومابينـي
وصرت اركض ابي ادفن في عين الشمس اصراري
وكل اللي بقى منك وكـل اللـي بقـى فينـي
جمعت الحب في كلمه هديتك عـذر لأعـذاري
جمعتي لي الجفا بكلمـه وفـي كلمـه جمعتينـي
تلحفت الوجع لاجلك وصرتي دمـي الجـاري
تبعتك لو امـل كـاذب يضحكنـي ويبكينـي
رحلت وكانت الغربه وظـل هنـاك تذكـاري
وحلم اني بعد كم عـام اشوفـك او تشوفينـي
مضيت وصورتك نجمه يداعب ضيها افكـاري
واصد وصورتك فعيني ودمعـه فـوق خدينـي
مظاهر هالجفا والكـره كانـت اخـر ادواري
تناسى مانسـى قلبـي ولـو انـك نسيتينـي
وصيتي تذكرينـي بخيـر اذا ماجابـوا الطـاري
واذا مامات حب الكون قصيدة حـب غنينـي
يااجمل من هنا الماضي فمـان الحافـظ البـاري
ترى مابه في هالدنيـا سـوى موتـي ينسينـي
الم هم وفرح اصفـر وهـذي اخـر اخبـاري
وامانه ان كان باقي جـرم اخذيـه ولاتزيدينـي
وهذا اخر احساس القصيـد ونبـض انهـاري
واذا قد هو بدى تقصير ..فليتك لـو تعذرينـي
الجمعة أبريل 27, 2007 11:56 am
