الحظ نايم ياوين من هو اللي يصحيه
والقلب غدى به محبوبي وبذمتي يفداه
لاتنشدوني وش قد احبه وش قد اغليه
هذاك أحسه بدا ينافس ابوي في غلاه
من كثر ماأحبه مالي بالعلوم غير طاريه
ومن كثر مااحبه ماأبي سواي يمشي معاه
أحبه ياعرب ولاتسالوني ليه ثم ليه
هذاك محبوبي مافي في المخاليــــق شرواه
حلا ثم دين ثم اخلاق ثم عقلن نبيـــــه
تجمعن فيه وسبحان من خصه وأعطـــــــاه
ياليته يرجع ويشعل قلبي ويضويــــــه
وياعساه يرحم قلبن اتعبه طول فرقـــــــاه
يرجع ويسقي عروق قلبي وأسقيــــــه
وأصحيه بحلو كلامي وانام على همسة شفاه
ياليت الزمن يرجع لحظة والتقي فيه
واقول له ان العمر مايسوى بدونه وبليـــاه
راح وياجعل ربي يحرسه ثم يحميـــه
وانا غديت بروحته بلا راس مال ولاجــــاه
ياوين من يعزي قلبي ببعده ويواسيه
وياوين من يسوق اخباره وويش صار بدنياه
أحاتيه ايه وربي اني احاتيه واحاتيه
واخاف من كل نسمه هوا تجرح محيـــــــاه
ياليتني يمه واحطه في قلبي وأداريه
وياليته يمي واسوقله قصيدي واخر معاناه
العام والله يسقي العام وكل ثــــوانيه
يوم قربه!!! كني ملكت العالم اقصاه وادناه
واليوم انا ضايع... في الدرب وأتيـــه
أتيه والسبب محبوبي الله يحفظه ويرعاه
هذاك الحب الاولي ياربعي والشي البديه
ان الحب الاولي صعب ان القلب ينساه
ياهيه كانه يسمع نداي له ياهيـــــــــه
يرجع ترى كل علمن فيني واصل اقصاه
تحياتي لميس العراقيه
الجمعة أغسطس 01, 2008 9:50 am
