مدوهن ماعرف شركه شماله
مصايب هالوكت يردف شماله
وحك من كطعوا يمينه وشماله
مطخن راس للدنيا الرديه
*******************
مظل بالدار بس الذيب وحداي
غريب بليل جلجل غيم وحداي
سرا ضعن الاحبهم حبف وحداي
غريب وشامت وطبعه الاذيه
*******************
لفاني الهم غطالي الكلب ويروح
يعمري الخلص بس لجمات ويروح
ماظن ليل الاسود خلص ويروح
طويل اظلم مطر تاهت عليه
*******************
اريداكعد على الحبلين حفشه
وذليل المامشى بثنين حفشه
جنت يهواي دليل الما يحفشه
وشنو الرباط بهالابوذيه
*****************
الدنيا خلافك وحشه ومره
ولا منك بعد جيه و مره
صورتك مره اضمنها ومره
اشوفنها وتوج نيران بيه
***************
انا حيدر الرماحي مشترك جديد ارغب بالمشاركة بهذه الابوذية واتمنى ان تقبلوني ضيفا جديدا
بعد ماأصطبيلك وانتبهلك
واحذر حيل مني وانتبه لك
انه بأهلي ازامط وانته باهلك
واذا اهلك زلم هدهم عليه
********************
وعدهم
يكلبي دوم حاربهم وعدهم
ذولة العاهدوا خانوا وعدهم
جثير اخوان من اكعد وعدهم
لجن بالمصايب شحوا علية
*******************
ياصاح شلونك بهجري وانة بعيد
لاجلك البس الاسود وانة بعيد
تكلي حيل احبنك وانة بعيد (نب عيد )
اكرر والصدى يرجع علية
رد على حوراء
******************
احبك واعتذر منك واناسف
جمال بروحك مغربل وناسف
بروحي احط تي ان تي وناسف
وافجرروحي اذا تزعل عليه
*******************
الشوك وياك صدفة قابلاني
شيجي منك عليه قابلاني
تقشمرني بضحكتك قابل اني
غشيم وتعبر الضحكة عليه
******************
فلم صاير زماني وانا مشهد
اكللها اشهدي عليه تكلي ابد مشهد
تحلفني بمقام الرضا اب مشهد
تكلي ابن عمتي اذا تحجي عليه
منقووووول (الميالي)
****************
شنو اسمك حبيبي صدك موسم ترف مثل الربيع وياي موسم انه بهجرك جرعت سموم ومسم اشربة وللاسف ميفيدب بية اتة صديق جديد للبرنامج
************************
الاول قال
من الباقي قوي بينة ومرك
وانا بعسر جرعت مري ومرك
لون بلنعش اوصلك ومرك
من التابوت واخذ لك تحية
******************
مع تحياتي ***مصطفى المحمدي
الأربعاء أكتوبر 10, 2007 7:13 am
